Logo
  • बिहिवार, मंसिर ११ २०७७Nov 26 2020

images

बि एण्ड सी मा क्याथल्याब सेवा सञ्चालन, मुटु प्रत्यारोपण तयारी

बि एण्ड सी मा क्याथल्याब सेवा सञ्चालन, मुटु प्रत्यारोपण तयारी

नेपाल फेस

२२, कार्तिक २०७७
  • 3.4K
    SHARES

  • बि एण्ड सी मा क्याथल्याब सेवा सञ्चालन, मुटु प्रत्यारोपण तयारी

     कनकाई । झापाको बिर्तामोडस्थित बि एण्ड सी मेडिकल कलेज शिक्षण अस्पतालले आगामी दुई वर्ष भित्र मुटु प्रत्यारोपण गर्ने गरी तयारी शुरुआत गरेको छ । हाल प्रदेश १ का मुटुका बिरामी उपचारका लागि काठमाडौँ तथा भारतको दिल्ली र भेलोर जानुपर्ने अवस्थालाई अन्त्य गर्न शिक्षण अस्पतालको सो तयारी थालेको हो ।

    यसका लागि अस्पतालले चिकित्सक, पूर्वाधार तथा उपकरण सहित आन्तरिक तयारी द्रुत रुपमा अगाडि बढाएको अस्पतालका कार्यकारी निर्देशक दूर्गाप्रसाद प्रसाईँले जानकारी दिनुभयो । अस्पतालले विगत तीन वर्षदेखि विशेषज्ञ चिकित्सकसँगको समन्वयमा मुटु सम्बन्धी गुणस्तरीय सेवा सञ्चालन गर्दै आएको छ । उहाँले भन्नुभयो “अब अस्पतालले मुटु प्रत्यारोपणको योजना अघि सारेको छ । यो कार्य चुनौती भएपनि हामी सफलता हासिल गर्छाै । ” हालै मात्र अस्पतालले मुटु रोगको सम्पूर्ण उपचारका लागि अत्याधुनिक क्याथल्याब सेवा सञ्चालनमा ल्याएको छ । करिव ५० करोड रुपैयाँको लगानीमा प्रदेश १ मा पहिलोपटक सो सेवा सञ्चालनमा ल्याइएको जनाइएको छ ।

    कार्यकारी निर्देशक प्रसाईले सस्तो र गुणस्तरीय सेवा चिकित्सकीय सेवा दिन अस्पताल प्रतिबद्ध रहेको जानकारी दिनुभयो । हाल क्याथल्याव सेवाबाट ६ जना बिरामीको उपचार हुँदै आएको अस्पतालका वरिष्ठ मुटुरोग विशेषज्ञ डा उमेश यादवले जानकारी दिनुभयो । उहाँले मुटु रोगको उपचार बिधिका बारेमा जानकारी दिँदै अस्पतालको उपचार सेवा नेपालकै उच्च प्रविधियुक्त र सुविधासम्पन्न भएको दाबि समेत गर्नुभयो ।

    स्वदेश र विदेशका समेत मुटुरोगका विशेषज्ञ चिकित्सककोे लामो अनुभवको सेवा अब वि एण्ड सीबाट उपलब्ध हुने अस्पतालका जनसम्पर्क अधिकृत प्रमिश गिरीले जानकारी दिनुभयो । तीनसय श्ययाको सो अस्ततालले गतवर्षदेखि प्रदेश १ मा नै पहिलो पटक क्यान्सर उपचार सेवा शुरुआत गरेको थियो । अस्पतालले मिर्गाैला रोगीका लागि उपचार तथा डायलाइसिस सेवा समेत प्रदान गर्दै आएको छ । पछिल्लो समय अस्पतालले कोरोना भाइरसका बिरामीलाई समेत उत्कृष्ट सेवा प्रदान गर्दै आएको अधिकृत गिरीले बताउनुभयो ।रासस

    शनिवार, कार्तिक २२ २०७७०७:०७:१५

    नेपाल फेस

    सम्बन्धित समाचार

    प्रधान सम्पादक- माधव पौडेल

    सुचना तथा प्रसारण विभाग दर्ता नम्बर: १७८०/०७६-७७

    ईमेल: [email protected]