Logo
  • शनिवार, कार्तिक ८ २०७७Oct 24 2020

images

खाली सिलिण्डरको मूल्य बुधबारदेखि लागू, नयाँ मूल्य २१ सय

खाली सिलिण्डरको मूल्य बुधबारदेखि लागू, नयाँ मूल्य २१ सय

नेपाल फेस

२८, आश्विन २०७७
  • 3.0K
    SHARES

  • खाली सिलिण्डरको मूल्य बुधबारदेखि लागू, नयाँ मूल्य २१ सय

    काठमाडौं । नेपाल एलपी ग्यास उद्योग संघले खाना पकाउने एलपी ग्यासमा प्रयोग हुने फलामे खाली सिलिण्डरको मूल्य तोकेको छ। 

    दुर्गमका क्षेत्र बाहेकका जिल्लामा ग्यास सिलिण्डरको मूल्यमा एकरुपता ल्याउन तोकिएको नयाँ मूल्य २ हजार १ सय रुपैयाँ बुधबारबाट लागू भएको छ।

    यसअघि संघले ग्यास बिक्रेताले फरक/फरक मूल्यमा खाली सिलिण्डरको मूल्य लिएको भन्दै पहिलो चरणमा वाग्मती प्रदेशभित्र सञ्चालनमा रहेका २९ उद्योगका सिलिण्डरको मूल्य तोकेको थियो।

    तर, बुधबारबाट लागू हुने गरी दुर्गमका क्षेत्र बाहेकका जिल्लाका लागि खाली सिलिण्डरको मूल्य लागू गरिएको संघका अध्यक्ष गोकुल भण्डारीले जानकारी दिए।

    उनका अनुसार उद्योगले खरिद गरेको मूल्यभन्दा कम मूल्यमा बिक्री गरिएता पनि ग्यासका डिलर अनुसार मूल्य फरक/फरक रहेपछि मूल्य तोकिएको हो। नयाँ सिलिन्डरको उपभोक्ता धरौटी रसिद नभएका सिलिण्डरको दायित्व ग्यास उद्योगले नलिने संघले जनाएको छ।

    सङ्घले सिलिण्डर खरिद गर्दा अनिवार्य रुपमा सम्बन्धित उद्योगको धरौटी रसिद बिक्रेता (डिलर) मार्फत लिनसमेत अुनरोध गरेको छ। रसिद नलिएका सिलिण्डरको जवाफदेही तथा दायित्व उद्योगले नलिने समेत जनाएको छ।  

    संघले तोकेको नयाँ मूल्य अुनसार एक सय रूपैयाँ बिक्रेताका लागि छुट्याइएको जनाएको छ। संघले आफ्नो कम्पनीबाहेक अरु कम्पनीको खाली सिलिण्डर साट्नु गैरकानूनी भएको भन्दै साटेको थाहा भएमा कारबाही गर्ने जनाएको छ।

    उद्योग तथा बिक्रेता अुनसार खाली सिलिण्डरको मूल्य ३ हजार ५०० रूपैयाँसम्म लिने गरिएकोमा बुधबारबाट सबै उद्योगका सिलिण्डरको मूल्य २ हजार १ सय रूपैयाँ लागू भएको छ। रासस

    बुधवार, आश्विन २८ २०७७०५:२१:०२

    नेपाल फेस

    सम्बन्धित समाचार

    प्रधान सम्पादक- माधव पौडेल

    सुचना तथा प्रसारण विभाग दर्ता नम्बर: १७८०/०७६-७७

    ईमेल: [email protected]