काठमाडौं । राष्ट्रिय वाणिज्य बैंकको सञ्चालक समितिको बैठक स्थगित भएको छ । उपप्रधानमन्त्री एवं रक्षामन्त्री ईश्वर पोखरेलका सम्धी उपेन्द्र कोइरालालाई अध्यक्ष पदमा नियुक्ति दिने विषयको चौतर्फी विरोध भएपछि बैठक स्थगित भएको वाणिज्य बैंक स्रोतले बताएको छ ।
आजको बैठकको एजेण्डा नै कोइरालालाई अध्यक्ष बनाउने थियो । उनको नियुक्तिका बारेमा भैरहेको विरोधकाबीच अहिले यो विषयलाई अघि बढाउन उपयुक्त नहुने भन्दै बैठक स्थगित गरिएको ती स्रोतले बताए ।
कोइराला यसअघि मध्यपश्चिम विश्वविद्यालयका निवर्तमान उपकुलपति थिए । कोइरालामाथि आयल निगमको कार्यकारी अध्यक्ष, खाद्य संस्थानका महाप्रबन्धकलगायतका पदमा रहँदा अनियमितता गरेको आरोप लागेको थियो ।
अहिले पनि कोइराला पहुँचकै भरमा फेरि वाणिज्य बैंकको सञ्चालक समितिको अध्यक्ष बनाउन लागिएको खबर बाहिरिएसँगै चर्को विरोध भएको हो ।
कोइरालालाई सञ्चालयक समितिको अध्यक्ष बनाउन सरकारले यसअघिका अध्यक्ष निर्मलहरि अधिकारीलाई राजस्व बोर्डको सदस्य बनाइसकेको छ ।
यो पनि पढ्नुहोस् :-
ओली सरकारको सुशासनः ईश्वर पोखरेलका सम्धीलाई सातौं पटक नियुक्ति
