Logo
  • शनिवार, श्रावण ९ २०७८Jul 24 2021

कांग्रेस केन्द्रीय कार्यसमिति बैठक बस्दै

कांग्रेस केन्द्रीय कार्यसमिति बैठक बस्दै

  • 92.4K
    SHARES

  • कांग्रेस केन्द्रीय कार्यसमिति बैठक बस्दै

    काठमाडौं । प्रमुख प्रतिपक्षी नेपाली कांग्रेसको केन्द्रीय कार्यसमितिको बैठक आज बस्दै छ । बैठक दिउँसो २ बजे सानेपास्थित पार्टी केन्द्रीय कार्यालयमा बस्‍ने कार्यक्रम रहेकाे छ ।

    गत बुधबार सांसद ज्ञानकुमारी छन्त्यालको निधनमा शोक प्रस्ताव पारित गर्दै सकिएकाे बैठक आज पुन: बस्‍न लागेकाे हाे । बैठकले पार्टीको १४ औं महाधिवेशनको कार्यतालिका परिमार्जनमाथि छलफल गर्ने कार्यसूची छ । पार्टी प्रवक्ता विश्वप्रकाश शर्माले आजको बैठकले साे प्रस्तावका केही बुँदा परिमार्जन गरि अनुमोदन गर्ने बताए ।

    यसअघि कांग्रेस पदाधिकारी बैठकले १४ औं महाधिवेशन आगामी फागुन ७ देखि १० गतेसम्म काठमाडौंमा गर्ने निर्णय गर्दै कार्यतालिका पनि तयार पारेको थियो । सोही कार्यतालिकालाई आज केन्द्रीय समितिले अन्तिम रुप दिने बताइएकाे छ ।

    यस्तै पछिल्लाे समय विकसित घटनाक्रमकाे बारेमा पनि बैठकमा छलफल हुने भनिएकाे छ । तीन दिनअघि कांग्रेस सभापति शेरबहादुर देउवा र प्रधानमन्त्री केपी शर्मा ओलीबीच बालुवाटारमा भएकाे भेटघाटमा पनि केन्द्रीय सदस्यहरुले कुरा उठाउने भएका छन् ।

    देउवा निकटका स्राेतहरुले भेट भएकाे तर संवैधानिक नियुक्तीका बारेमा मात्र कुरा भएकाे बताएपनि बैठकमा याे विषयले प्राथमिकता पाउने बुझिएकाे छ । 

     

    सम्बन्धित समाचार