Logo
  • मंगलवार, आषाढ २३ २०७७Jul 07 2020

खोसिएको जमिन फिर्ता गर्न खोज्दा प्रधानमन्त्रीबाट हटाउने खेल भइरहेको छः ओली

खोसिएको जमिन फिर्ता गर्न खोज्दा प्रधानमन्त्रीबाट हटाउने खेल भइरहेको छः ओली

  • नेपाल फेस

  • आइतवार, आषाढ १४ २०७७


  • खोसिएको जमिन फिर्ता गर्न खोज्दा प्रधानमन्त्रीबाट हटाउने खेल भइरहेको छः ओली

    काठमाडौं । नेपाल कम्युनिष्ट पार्टीको स्थायी समितिमा प्रधानमन्त्री केपी ओलीले पदबाट राजीनामा दिनुपर्ने पक्षमा अर्का अध्यक्ष पुष्पकमल दाहालदेखि बरिष्ठ नेता माधव नेपाल र झलनाथ खनालहरु एकढिक्का भएर मोर्चाबन्दीमा लागेका छन् । स्थायी समिति बैठक जारी छ ।स्थायी समिति बैठकबाट उनलाई राजीनामा दिन दबाब बढिरहेको छ ।

    यसैक्रममा प्रधानमन्त्री ओलीले आफूलाई पदमा बसिरहन मन नभएको बताउँदै ‘खोसिएको जमिन फिर्ता गर्न खोजेको र आफूले कुनै गल्ती नगरेको’ बताएका छन् । मदन भण्डारी फाउन्डेसनद्धारा आइतबार आयोजित कार्यक्रमलाई सम्बोधन गर्ने क्रममा प्रधानमन्त्री ओलीले नक्सा सच्याए वापत आफूलाई प्रधानमन्त्री पदबाट हटाउन भारत र नेपालभित्रैका शक्तिहरु अहिले लागिपरिरहेको आरोप लगाएका छन् ।

    कार्यक्रममा प्रधानमन्त्री ओलीले भने, ‘दिल्लीका सञ्चारमाध्यम सुन्नुस्, त्यसैले देखाउँछ, यहाँका होटेलमा भइरहेका गतिबिधि हेर्नुस्, दूताबासको सक्रियता हेर्नुस्, त्यसले बताएको छ । ‘नेपालको राष्ट्रियता यति कमजोर छैन नक्सा छापे वापत, यस देशको प्रधानमन्त्री हटाउँछस् भनेको छ भने, यो नसोचे हुन्छ ।’
    , ‘अहिले केपी ओलीलाई नहटाई हुँदैन भनिएको छ । संविधान संशोधन गरेर नक्सा सच्याउने अपराध गर्नेलाई राख्नै नहुने भनिएको छ । यतिबेला म हट्ने हो भने नेपालको पक्षमा कसैले बोल्ने आँट गर्ने छैन किनभने भोलिपल्ट बर्खास्त हुन्छ ।’

    उनले थपे, ‘त्यसैले म आफ्ना लागि होइन, देशका लागि हो । हाम्रो पार्टी, हाम्रो संसदीय दल यस्ता बहकाउमा फस्ने छैन । कोसिस गर्नेलाई गर्न दिउँ ।’

    आइतवार, आषाढ १४ २०७७०२:५१:०५

    नेपाल फेस

    सम्बन्धित समाचार

    प्रधान सम्पादक- माधव पौडेल

    सुचना तथा प्रसारण विभाग दर्ता नम्बर: १७८०/०७६-७७

    ईमेल: [email protected]