देउवामाथि रामचन्द्र पौडेलको कडा प्रहार, ‘सर्वत्र असफल व्यक्ति सत्ता सम्हाल्न पुगे’

काठमाडौं । सत्तारुढ दल नेपाली कांग्रेसका वरिष्ठ नेता रामचन्द्र पौडेलले सभापित शेरबहादुर देउवालाई महाधिवेशन गर्न नसकेको भन्दै कडा आलोचना गरेका छन्। 

सोमबार बिहानै सामाजिक सञ्जालमार्फत् प्रधानमन्त्री समेत रहेका देउवाको चर्को आलोचना गरेका पौडेलले पार्टीको विधानअनुसार हरेक चार वर्षमा गरिसक्नु पर्ने महाधिवेशन थपिएको साढे एक वर्ष वितिसक्दा पनि हुन नसकेको भन्दै नेतृत्वको चरम लापरबाही र असफलता भएको बताएका हुन् ।

नेतृत्वले नै नेपाली कांग्रेसलाई निर्वाचन आयोगसँग भिख माग्ने निरीह अवस्थामा पुर्‍याएको टिप्पणी गर्दै उनले भनेका छन्, ‘यहाँभन्दा वर्तमान नेतृत्वको चरम असफलता र लापरबाही अरु के हुन्छ ? ‘ पौडेलले भनेका छन्, ‘यो देशकै विडम्बना हो ।’

यस्तै, बरिष्ठ नेता पौडेलले सभापति देउवालाई संकेत गर्दै सर्वत्र असफल व्यक्ति बारम्बार सत्ता समाल्न पुगेको भन्दै असन्तुष्ट भएका छन्।