Logo
  • बिहिवार, आषाढ १० २०७८Jun 24 2021

नेपाललाई खोप दिन बेलायती सांसदको माग

नेपाललाई खोप दिन बेलायती सांसदको माग

  • 1.9K
    SHARES

  • नेपाललाई खोप दिन बेलायती सांसदको माग

    काठमाडौँ। नेपाललाई कोभिड–१९ विरुद्धको खोप तत्काल उपलब्ध गराउन बेलायतका सांसदहरूले विदेशमन्त्री डोमिनिक रावलाई दबाब दिएका छन् । केही हप्ताअघि पनि सांसदहरूले बेलायतको संसद्मै नेपाललाई खोप सहायताका लागि आवाज उठाएका थिए ।

    त्यसपछि पनि कुनै पहल नभएपछि विभिन्न राजनीतिक दलमा आबद्ध १६ जना सांसदले संयुक्त रूपमा पत्र लेखेर विदेशमन्त्री रावलाई खोप तत्काल उपलब्ध गराउन माग गरेका हुन् ।

    दुई प्रमुख बुँदा उल्लेख गर्दै सांसदहरूले पहिलो बुँदामा छिटोभन्दा छिटो नेपालका लागि खोप उपलब्ध गराउन माग गरेका छन् ।

    त्यस्तै दोस्रो बुँदामा कोभिडको दोस्रो लहरको सामना गरिरहेको नेपालका लागि अत्यावश्यकीय चिकित्सा सहयोग समेत जरुरी रहेको औँल्याउँदै बेलायती सांसदहरूले त्यस्ता सामग्री पनि सहयोग गर्न पत्रमार्फत भनेका छन् ।

    दोस्रो बुँदाअन्तर्गत चिकित्सा सामग्रीलगायत चिकित्सा उपकरणहरू अक्सिजन जेनेरेटर, अक्सिजन कन्सन्ट्रेटर, थेरापिउटिक ड्रग्सलगायत पनि उपलब्ध गराउन भनेका हुन् ।

    विश्वमै उच्च कोरोना भाइरसको सङ्क्रमणका कारण नेपालमा मानवीय सङ्कट उत्पन्न भएको दर्शाउँदै सांसदहरूले यस्तो बेला बेलायती सरकारले नेपाल सरकारको आग्रहको सम्बोधन गर्नुपर्नेमा जोड दिएका छन् । यस्तो कठिन समयमा पनि बेलायतले आफ्नो मित्रराष्ट्रलाई सहयोग गर्न धेरै ढिला गरेको भन्दै पत्रमा असन्तुष्टि समेत प्रकट गरिएको छ ।

    सम्बन्धित समाचार