Logo
  • मंगलवार, बैशाख २८ २०७८May 11 2021

निषेधाज्ञा थप कडा हुने, नआत्तिई सरकारलाई साथ दिन प्रधानमन्त्रीकाे आग्रह

निषेधाज्ञा थप कडा हुने, नआत्तिई सरकारलाई साथ दिन प्रधानमन्त्रीकाे आग्रह

  • 1.2K
    SHARES

  • निषेधाज्ञा थप कडा हुने, नआत्तिई सरकारलाई  साथ दिन प्रधानमन्त्रीकाे आग्रह

    काठमाडौं । प्रधानमन्त्री केपी शर्मा ओलीले निषेधाज्ञा थप कडा हुने बताउँदै सर्वसाधारणलाई नआत्तिई यस अभियानमा साथ दिन आग्रह गरेका छन्।

    सोमबार राष्ट्रको नाममा सम्बोधन गर्दै उनले निषेधाज्ञा थप कडा पार्ने बताएका हुन्। उनले अन्तर्राष्ट्रिय सीमा नाकाबाट नेपाल प्रवेश गर्ने हरेकको परीक्षण गरिने बताउँदै स्थलमार्गबाट विदेशी नागरिकको प्रवेशमा रोक लगाइएको जानकारी दिए।

    हाल कोरोना भाइरसको संक्रमण रोकथाम तथा न्यूनीकरणका लागि भनेर ४१ जिल्लामा निषेधाज्ञा जारी गरिएको छ। ‘यही २०७८ वैशाख २० गते राति १२ बजेदेखि वैशाख मसान्तसम्म आन्तरिक उडान बन्द गर्ने निर्णय गरिएको छ। २०७८ वैशाख २३ गते राति १२ बजेदेखि वैशाख मसान्तसम्म अन्तर्राष्ट्रिय हवाई उडान बन्द गर्ने निर्णय गरिएको छ।

    स्थलमार्गबाट विदेशी नागरिकको आवागमन बन्द गरिएको छ। नेपाली नागरिक प्रवेशका लागि नेपाल–भारतबीच रहेका सीमा नाकामध्ये १३ नाका मात्र सञ्चालनमा ल्याइएको छ। आपूर्ति व्यवस्था प्रभावित नहुने गरी सोसँग सम्बन्धित ढुवानीका साधन भने यथावत् सञ्चालन हुने व्यवस्था मिलाइएको छ।

    भारतसँग सिमाना जोडिएका नाकामा रहेका हेल्थ डेस्कबाट एन्टिजेन परीक्षण गरेर मात्र प्रवेश गर्ने व्यवस्था मिलाइनेछ। सबै तहमा कन्ट्याक ट्रेसिङ बढाउन लगाइएको छ। स्थलमार्ग, चार्टर्ड वा उद्धार हवाई उडानबाट आउने हरेक व्यक्तिलाई परीक्षण गरिन छ। कोही संक्रमित पाइएमा उनीहरूलाई उपचार गरेर मात्र समुदायमा पठाउने व्यवस्था मिलाइएको छ’, 

    मंगलवार, बैशाख २१ २०७८१०:४७:५६
    सम्बन्धित समाचार