Logo
  • शनिवार, फाल्गुण १५ २०७७Feb 27 2021

मन्त्रिपरिषद बैठक बस्दै, विप्लवको पार्टीमाथि लागेको प्रतिबन्ध हट्ने, वार्ता समिति बन्ने

मन्त्रिपरिषद बैठक बस्दै, विप्लवको पार्टीमाथि लागेको प्रतिबन्ध हट्ने, वार्ता समिति बन्ने

नेपाल फेस

११, फाल्गुण २०७७
  • 1.8K
    SHARES

  • मन्त्रिपरिषद बैठक बस्दै, विप्लवको पार्टीमाथि लागेको प्रतिबन्ध हट्ने, वार्ता समिति बन्ने

    काठमाडौं ।  सरकारले नेत्रविक्रम चन्द विप्लव नेतृत्वको नेपाल कम्युनिष्ट पार्टी(नेकपा)माथि लगाएको प्रतिबन्ध हटाउने भएको छ । आज बिहान साढे १० बजे बोलाइएको मन्त्रिपरिषद बैठकले विप्लवको नेकपामाथि लगाएको प्रतिबन्ध  हटाउँदैछ । विप्लवसँग वार्ता गर्नका लागि मन्त्रिपरिषद बैठकले वार्ता समिति समेत गठन गर्न लागेको प्रधानमन्त्री कार्यालय स्रोतले बताएको छ ।

     हरेक सोमबार र बिहीबार मन्त्रिपरिषदको नियमित बैठक बस्दैआएको थियो । प्रधानमन्त्री केपी ओली सोमबार कंचनपुरको कार्यक्रममा गएका कारण आज मंगलबारका लागि बैठक बोलाइएको छ । आजको मन्त्रिपरिषदको बैठकले विशेष निर्णय गर्ने तयारी गरेको चर्चा सोमबारदेखि नै हुँदैआएको थियो । त्यो विशेष निर्णय भनेको विप्लव माओवादीको प्रतिबन्ध हटाउने र वार्ता समिति बनाउने रहेको बालुवाटार स्रोतको दाबी छ ।

    एकातिर विप्लवसँग वार्ता गर्नका लागि उक्त पार्टीमाथि लागेको प्रतिबन्ध हटाउन लागेको सरकारले अर्कोतिर सोही पार्टीका नेता धर्मेन्द्र बाँस्तोलालाई सर्वोच्च अदालतले रिहा गरेपछि पनि पुनः पक्राउ गरेको छ । बाँस्तोलालाई सोमबार सर्बोच्चले रिहा गरेलगत्तै प्रहरीले पक्राउ गरी काभ्रे जिल्लामा पठाएको छ ।

     

    मंगलवार, फाल्गुण ११ २०७७०८:३९:१७
    सम्बन्धित समाचार