Logo
  • मंगलवार, माघ १३ २०७७Jan 26 2021

images

प्रधानमन्त्रीको जवाफः नयाँ पार्टी बनाउन पनि पाइन्छ, राजनीतिबाट बिश्राम लिन पनि पाइन्छ

प्रधानमन्त्रीको जवाफः नयाँ पार्टी बनाउन पनि पाइन्छ, राजनीतिबाट बिश्राम लिन पनि पाइन्छ

नेपाल फेस

१३, मंसिर २०७७
  • 2.3K
    SHARES

  • प्रधानमन्त्रीको जवाफः नयाँ पार्टी बनाउन पनि पाइन्छ, राजनीतिबाट बिश्राम लिन पनि पाइन्छ

    काठमाडौं । नेपाल कम्युनिष्ट पार्टीका अध्यक्ष तथा प्रधानमन्त्री केपी शर्मा ओलीले आज सचिवालय बैठकमा पेश गरेको राजनीतिक प्रस्तावमा आफ्ना विरुद्ध अर्का अध्यक्ष प्रचण्डल छलछामपूर्ण ढंगले अविश्वास प्रस्तावमा सांसदहरुलाई हस्ताक्षर गराएको आरोप लगाएका छन् । उनले लेखेका छन्, आज पनि तपाईं, सिधै प्रधानमन्त्रीका विरुद्ध अविश्वासको प्रस्तावका लागि भनेर हस्ताक्षर गराउँदा साथीहरुले प्रश्न उठाउलान् भनेर, विभिन्न विकास आयोजनाका लागि सरकारसँग माग गर्ने बहानामा सांसदहरुलाई खाली कागजमा सही गराउँदै हुनुहुन्छ, गंभीर नैतिक प्रश्न त उठ्छ नै ।

     कामरेड ‘प्रचण्ड’, किन यस्तो अपारदर्शिता ? किन यस्तो छलछाम ? राजनीतिमा सहमत हुन पाइन्छ, असहमत हुन पनि पाइन्छ । भएको पार्टी विघटन गर्न र नयाँ पार्र्टी बनाउन पनि पाइन्छ । भएकै कुनै पार्टीमा जोडिन पाइन्छ । तपाईं आफै यस्ता कुरालाई स्वाभाविक र आफ्नो नियमित अभ्यास भन्ने गर्नुहुन्छ । ‘भत्काउने– बनाउने– फेरि भत्काउने‘ यस्तो विषयलाई गर्वको विषय बताउनु हुन्छ । अझ थप, दिक्क लाग्यो भने, राजनीति छाड्न पनि पाइन्छ । विश्राम लिन पनि पाइन्छ । तर लोकतन्त्रमा पारदर्शिता र नैतिकता ठूलो विषय हो ।

    युद्धका बेला काम लागेका विधिहरु शान्तिपूर्ण, लोकतान्त्रिक र खुल्ला समाजमा सधैभरि काम लाग्दैनन् । मेरो प्रश्न तपाईंले लिन खोजेको बाटोप्रति होइन, ती कामलाई ‘सहमति’ को आवरणमा गर्नुभएको दोहोरो मापदण्ड र बहानाबाजीका हकमा हो ।

    शनिवार, मंसिर १३ २०७७०४:३१:२९

    नेपाल फेस

    सम्बन्धित समाचार